zwe Charakterlumpe
lö sech nid lo lumpe
und schöpfe us em Volle
sie kenne nüt
lö sech lo go
und bräche alles ab
em Schmärz begägne
sie mit Arroganz
de Truur mit chaltem Schtolz
wie Teenies dänke sie
nur no a sich
und d’Libido regiert
zwe falschi Schlange
wickle sech
ganz gierig um e Troum
dass me im Läbe nimmt
was me begehrt
es stoht eim schliesslech zue
Moral und Ethos
aber nei
jetz hör mer aber uf
das isch für alli andere
wo es schlächts
Gwüsse hei
mir zwöi chöi mache
was mer wei
mir hei nie Skrupel gha
zum Glück isch nid
di ganzi Wält
so himmeltruurig chalt